Bravuogn: Analog frunta sin digital

«Im Augen – Blick» sa numna la nova exposiziun en il museum regiunal da Bravuogn. Martina Bisaz, ch'è enconuschenta entras ses profil dad Instagram, expona fotografias ch'ella ha fatg a moda digitala, ed Ueli Alder expona purtrets ch'el ha fatg cun in apparat vegl dals onns 1940.

La fotografa Martina Bisaz ed il fotograf Ueli Alder.
Legenda da maletgs: La fotografa Martina Bisaz ed il fotograf Ueli Alder. RTR, Federico Belotti

Malgrà che tant l'artista sco era l'artist han studegià a la scol'auta d'art da Turitg ZHdK, èn els sentupads per l'emprima giada a Bravuogn tar lur exposiziun cuminaivla. Ils muments ch'els han tegnì ferm sin lur fotografias, èn fastiz en in auter mund e piglian ils visitaders sin viadi, scriva il museum en ina communicaziun. Ueli Alder ha fotografà cun in'uschenumnada camera da plattas, e Martina Bisaz è sin viadi digital: Sin ses account dad Instagram ha ella prest 250'000 «followers», che persequiteschan ses «posts».

Redacziun: Federico Belotti