Breil: Sanaziun dal fresco da Sogn Christoffel

Per pudair sanar il fresco grond vid la baselgia parochiala da Breil ha la cumissiun da bajegiar fatg in filmin.

baselgia parochiala da Breil.
Legenda da maletgs: baselgia parochiala da Breil. MAD

L'entira baselgia parochiala da Breil vegn renovada e sanada ils proxims onns per ina summa da total 1,25 milliuns francs. Ina part da la sanaziun cumpiglia il fresco da Sogn Christoffel che figurescha sin il clutger da la baselgia. Quella custa total 55'000 francs. Per vegnir tar quella summa ha la cumissiun da bajegiar da la plaiv fatg in filmin e publitgà el sin la plattafurma da Youtube.

Grond resun sin il filmin
La cumissiun ha survegnì fin uss sulet resuns positivs sin il fimin e bleras persunas hajan era gia guardà il film, di Annadora Friberg che fa part da la cumissiun da bajegiar. Per alura pudair era finanziar la sanaziun è l'entir fresco da Sogn Christoffel vegnì partì en 220 parts e ina da quellas parts po uss vegnir cumprada sin la pagina dinternet da la plaiv da Breil. Fin uss eran dapli che 20 parts vegnidas vendidas.