Campadi Trun: 30% pli blers campaders

La stad passada èsi stà bellaura, e perquai èn surtut ils campaders cun rulottas mobilas vegnids sin il Campadi Trun. Igl è – sco i para – ina tendenza en lentira Europa che pli e pli bleras persunas pensiunadas van en questa moda en vacanzas.

L'entrada dal Campadi Trun.
Legenda da maletgs: L'entrada dal Campadi Trun. RTR, Hubert Giger

Investiziuns da circa 60'000 francs

Las rulottas mobilas èn sin il prà «America» sper lustaria dal campadi. Là vul ins installar pli blers plazs. I dat sis plazs dapli da la vart dretga, pia il dubel da fin uss. In tal plaz nov cun infrastructura sco aua ed electricitad custa da quai da 10000 francs, sco il president dal cussegl dadministraziun Hansueli Baier ha ditg ad RTR.

Era il dumber dals plazs stabels vegn augmentà da 80 sin 90, quai per meglierar il resultat dal manaschi. I na saja betg in problem da far quai perquai chels hajan avunda terren.

Ustaria è serrada l'enviern

Ina idea che nè betg vegnida realisada èn pitschnas chasas per famiglias. Els avevan in project da pilot, mo questa idea na saja betg stada economica, perquai china tala chasetta custia tranter 50000 e 100000 francs e saja occupada mo paucas emnas la stad, di Hansueli Baier.

Inautra idea che nè betg sa cumprovada è da tegnair avert lustaria dal campadi lenviern. Las frequenzas èn stadas memia pitschnas, e perquai n'è ella betg pli averta lenviern.

Il nov Campadi Trun exista dapi 2016. Lustaria cun ses tetg aut ha gia gudagnà premis: 1. rang dal pretsch spezial da Grischun Lain, ed il 3. rang dal Prix Lignum da la Svizra Orientala.

Autur/a: Hubert Giger