Chattà si surchombras purtret che vala plirs milliuns francs

L'anteriur directur dal hotel Waldhaus a Flem raquinta co el ha chattà il tripticon «panorama da Flem», da Giovanni Giacometti en il surchombras. Il panorama da Flem tutga tar l'inventar dal hotel Waldhaus ch'è vegnì vendì il december 2015 a la firma americana Z Capital Partners.

Il tryptichon da G. Giacometti vegn ingantà
Legenda da maletgs: Il tryptichon da G. Giacometti vegn ingantà Keystone

L'onn 1986 è Josef Müller daventà directur dal hotel Waldhaus. El ha gì l'idea da realisar in museum dal hotel. Perquai è el ì a la tschertga da stgazis en ils tschalers ed en ils surchombras.

Dis ed emnas haja el tschertgà en l'entir hotel Waldhaus e tuttenina in di haja el chattà si surchombras dal pavigliun, davos ina ventilaziun in maletg, ubain meglier detg ils trais maletgs da Giovanni Giacometti, il tripticon.

Autur/a: RTR/sc