Cuira: Emprest da costums senta concurrenza online

Betg be stizuns normalas pateschan da l'internet mabain er stizuns che vendan u laschan a tschains costums.

Magic World a Cuira patescha da l'internet.
Legenda da maletgs: Magic World a Cuira patescha da l'internet. RTR, Prisca Bundi

Il Magic World a Cuira che lascha a tschains costums da buna qualitad per occurrenzas ha laschà a tschains rodund in terz pli pauc ch'onns passads, uschia Renata Schneller la manadra.

En il Magic World pon ins prender a tschains passa 2'500 costums. I saja cler che prender a tschains costums che vegnan suenter puspè lavads è pli ecologic che da mintg'onn cumprar in nov costum bunmartgà en l'internet, uschia Renata Schneller. Ma quai saja in zic il temp, per blers saja quai pli simpel da far in pèr clics e lura survegnir il costum a chasa che da prender la peda ed ir sperasvi per prender a tschains in costum tar ella.

Autur/a: RTR, Prisca Bundi