Cuira fa frunt al littering

Chanaster en in parc.
Legenda da maletgs: Vid ils chanasters da la citad da Cuira vegn montà tschendrers. DREAMSTIME

È la cigaretta a fin ed ins vul dismetter a moda correcta il stumbel, vegn quai grev en la citad da Cuira. Sulet tar las fermadas dal bus datti tschendrers. Tar ils chanasters da palpiri da la citad èn nagins tschendrers integrai. Quai vul il suprastant Tom Leibundgut midar. L'idea è da montar vid ils chanasters tschendrers sumegliants a cuppas da baiver. Quai fissi ina schliaziun che na chaschuna betg auts custs. Anc quest onn vulan ins sviluppar l'idea a la fin e lura pudair montar ils tschendrers l'onn che vegn.

Autur/a: RTR/td