Siglir tar il cuntegn

Header

audio
Hotel Vallatscha a Curaglia.
RTR, H. Giger
laschar ir. Durada: 2 minutas 36 Secundas.
cuntegn

Curaglia: L’hotel Vallatscha vegn vendì

Dapi 2008 exista l'hotel Vallatscha. Avant sa numnava el hotel Scopi. Peter Binz e sia dunna Imelda han gì cumprà e renovà el durant dus onns. Uss vulan els vender el.

A lunga vista na giaja quai

Dapi quest onn mainan Peter Binz e sia dunna sez l'hotel. Els fetschian tut las lavurs danor cuschinar, saja quai servir, gidar en cuschina e far las lavurs da biro. Mo cura ch'els hajan gì manà il manaschi durant intgins mais, hajan els realisà che quai na giaja betg uschia a lunga vista. Perquai ch'i dovria bler temp da manar in hotel sper tut las autras lavurs (Binz è tranter auter president da vischnanca e manader da fatschenta da la claustra da Mustér). Mo per in tschert temp giaja quai ed i fetschia era plaschair.

Far in pretsch realistic

Il pretsch da vendita è 1.5 milliuns francs. Quel cumpeglia l'hotel cun 22 letgs ed era l'abitaziun sut tetg. A la dumonda sche quai na saja betg in pretsch memia bass di il spezialist da finanzas, ch'è stà schef da l'interpresa Pricewaterhouse Coopers PwC Svizra, ch'ins stoppia esser realistic e guardar ch'il pretsch da vendita stettia en relaziun cun la rendita.

Dependance - Scopi - Vallatscha

L'istorgia da l'hotel Vallatscha cumenza 1910. Alura aveva l'indigen Martin Bundi construì la Dependance sco supplement da l'hotel Lukmanier. 1966 è quel vegnì serrà, mo la Dependance è vegnida manada enavant sco hotel Scopi. 2008 han Peter ed Imelda Binz-Ferrari acquistà quel e midà en l'hotel Vallatscha (in num d'ina muntogna en Val Medel).

Dapli da «Total local»

Scrollar a sanestra Scrollar a dretga