Dardin: L'Uniun da giuventetgna Dardin mussa films vegls

Cudeschs sin ina maisa.
Legenda da maletgs: L’Uniun da giuventetgna Dardin mussa films vegls. RTR, H. Giger

Far paun chasa, far chanasters, tretschas e pipas ubain pinar laina – quai èn intgins dals films vegls che l'Uniun da giuventetgna Dardin mussa sonda saira en chasa da scola. Sco il president Samuel Cahannes di hajan els gia fatg quai avant trais onns cun success. Alura vevan els mussà films che Angelina Pfister da Schlans aveva fatg cun ina camera da super 8, sco l'archivari da la vischnanca da Breil Bistgaun Cathomen di.

Uss mussian els surtut films da Alfons Maissen, fatgs l'onn 1942. Maissen avevi fatg quels cun gronda passiun perquai ch'el ha vulì documentà mastergns vegls che eran sin svanir e perquai ch'el avevi parents en vischnanca, di Bistgaun Cathomen. Ils films èn per part senza tun, mo i dat in cudeschet cun infurmaziuns.

Autur/a: RTR/td