Midadas e roschadas tar las butias e fatschentas en la citad veglia haja quai adina puspè dà, di Roman Benker, president da l'uniun «Altstadt Chur». Quai na saja betg inquietant. Magari fetschian midadas er bain – cunzunt lura sch'i dettia ina pli gronda diversitad da stizuns. Uschia che la clientella possia profitar.
Localitads vidas
Quai che Roman Benker deplorescha dentant è che diversas localitads èn vidas. Actualmain èn quai quatter. Tranter auter localitads en la Untere Gasse u era l'anteriura lavandaria Malteser. Els sco uniun hajan dentant paucas pussaivladads da far insatge encunter. Sch'in possessur da la chasa veglia betg in interessent, saja quai d'acceptar.
20 coiffeurs en la citad veglia
Quai ch'i ha in'entira massa en la citad veglia èn coiffeurs. Roman Benker è da l'avis ch'il martgà reguleschia schon quai.
