Engiadina: Cun ina musica regiunala vers Montreux

40 musicantas e musicants as preparan per ir a la festa da musica federala a Montreux. En Engiadina Bassa ins ha reuni musicants da Zernez fin Tschlin.

Las musicantas ed ils musicants tar la prova.
Legenda da maletgs: En acziun per Montreux - la nova musica regiunala. RTR/G.Luzzi

Naginas musicas da vischnanca sa participeschan a la festa da musica federala a Montreux. Iniziants da l'Engiadina Bassa han perquai organisà ina musica regiunala.

Musicantas e musicants dapertut ennà
Per quella han els radunà giuven e vegl da tut la regiun da Zernez fin Tschlin per far cuminaivlamain musica. Dentant ch'il pli giuven è anc scolar è il pli vegl schont varga 50 onns musicant activ.

Cun 8 provas a la festa
La sfida è auta, cun be 8 provas da musica han ins furmà ina musica darmonia che prenda part a la segunda classa. La mira è buna musica ma oravant tut buna cumpagnia en cuminanza.

A la prova da la nova musica regiunala

Las musicas grischunas che van a la festa federala da musica 2016 a Montreux

Autur/a: RTR/gl/ij