Guarda: Hotel Piz Buin en novs mauns

La successiun per in da totalmain dus hotels a Guarda è reglada. L'hotel Piz Buin vegn surdà en novs mauns. In midament dentant cun impediments...

La fatschada dal hotel Piz Buin è renovada
Legenda da maletgs: La fatschada dal hotel Piz Buin è renovada RTR, G. Luzzi

Grazia al model ch'il pèr Rubi ha elavurà per il futur da l'hotel Piz Buin, è la banca stada pronta da sustegnair il project. En tut vulan ins investir 800'000 francs en la chasa a lur da la vischnanca da Guarda. In hotel cun totalmain 20 stanzas per giasts.

Ils fittadins èn impiegads

Il model che ha persvadì la banca prevesa che Diana e Peter Pfiffner da Sax en il chantun da Son Gagl daventan novs fittadins da l'hotel Piz Buin. Els na lavuran dentant betg sin agen quint. Els èn emploiads da l'hotel. Patruns restan vinavant Hans-Peter ed Natalia Rubi, malgrà ch'els sa retiran uss pass per pass cumplettamain da l'affar.

Las lavurs da renovaziun èn entant bunamain finidas, la fatschada da l'hotel ha ina nova colur, las chombras èn renovadas uschia che la clav po vegnir surdada venderdi ils 20 matg 2016 als novs manaders da l'hotel Piz Buin a Guarda.

Laschar ir video «L'onn 2007 ha Guarda fatg in stritg tras il quint dals hoteliers»

L'onn 2007 ha Guarda fatg in stritg tras il quint dals hoteliers

3:25 min, dals 19.10.2007

Autur/a: RTR/sc