Duri Janett ha dirigì, cun ina interrupziun, 26 onns la musica da Tschlin. In sun egualisà, ina buna intunaziun e oravant tut sunar da cumpagnia, quai è per Duri Janett da grondimpurtanza.
Ses tat ha manà radund 55 onns la musica, ses barba enturn 25 onns ed ussa, suenter 26 onns era el.
I nè insumma betg il cas che jau n hai avunda da diriger, ma causa la vegliadetgna e la successiun èsi ussa il dretg mument per far in stritg, di Duri Janett, dirigent da la musica da Tschlin.
Duri Janett ha 68 onns e vesa ussa il mument per surdar la batgetta ad ina nova testa. Armon Caviezel, magister a Scuol e fidaivel musicant dapi divers decennis, ha decis da surpigliar la musica.
Far musica resta segir enavant en il center, en tge moda, quai na Duri Janett betg anc decis.
«Il temp da chalar è vegnì» – Duri Janett da Tschlin
L'emprim il tat, lura il barba ed ussa va era per Duri Janett il temp sco dirigent a fin.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
