In zic «Mittelerde» a Jenins

Dapi tschintg onns pon ins sfundrar a Jenins en il mund dals hobbits. En il museum «Mittelerde» preschenta l'anteriur commerziant da bursa, Bernd Greisinger, sia collecziun da litteratura, requisits, models e sculpturas al public.

La tauna da hobbits
Legenda da maletgs: La tauna da hobbits MAD

«Mittelerde» è il mund fictiv ch'il scrivent e linguist J.R.R. Tolkien ha creà. Ses mund fictiv è il lieu d'acziun dals cudeschs e films famus: «Der Hobbit» e «Herr der Ringe». Da quest mund ha era l'anteriur commerziant da bursa Bernd Greisinger sa laschà inspirar.

A Jenins ha el perquai creà durant plirs onns il pli grond museum en onur da «Mittelerde». Avert ha il museum avant tschintg onns. Tar la collecziun da Bernd Greisinger appartegnan passa 3'500 cudeschs, 600 maletgs e numerusas figuras e models. Sin ina surfatscha da bun 300 meters quadrat expona il possessur ses stgazis.

«Il museum tutga simplamain en Svizra, dentant pertge, quai san ils paucs,» di Bernd Greisinger, possessur dal museum da hobits a Jenins. Cun 19 onns saja il scrivent J. R. R. Tolkien numnadamain viandads tras la Svizra e saja lura vegnì inspirà per ses mund fictiv.

Laschar ir video «Il museum da hobbits avant l'avertura»

Il museum da hobbits avant l'avertura

2:11 min, dals 13.8.2013

Laschar ir video «Bernd Greisinger e ses project da museum a Jenins»

Bernd Greisinger e ses project da museum a Jenins

3:32 min, dals 19.12.2012

Autur/a: Anna Selina Quinter