La fabrica da patratgs a Mustér cun emprimas ideas

Luniun da commerzi e professiun da Mustér UCP vul chils abitants da la regiun cumpran tar las fatschentas indigenas. Perquai han intgins commembers da luniun fundà ina gruppa che sa fatschenta cun lavegnir da la vischnanca da Mustér e che duai sviluppar ideas persuenter.

Qua duain ils trais bancs e la chista da cudeschs vegnir.
Legenda da maletgs: Qua duain ils trais bancs e la chista da cudeschs vegnir. RTR, Hubert Giger

Trais ideas concretas datti gia. Ina è ina chalender dAdvent, sco il president da la UCP Edgar Durschei declera. Las fatschentas indigenas duain sa preschentar ina giada lemna en ina fanestra e cun porscher tschertas activitads.

Ina secunda idea è ina illuminaziun cun pignols da Nadal. La vischnanca fa gia quai ed era fatschentas e privats fan part. Mo la UCP vul anc dar pli blera tempra da Nadal a lilluminaziun.

La terza idea è chins vul tschentar trais bancs ed ina chista cun cudeschs e termagls amez il vitg. Quels vegnissan tranter la chasa nova dal center e la fatschenta Nervenschoner. La biblioteca metta a disposiziun ils cudeschs.

In segund magazin

Il grond project actual da lUniun da commerzi e professiun è lexposiziun regiunala da loctober, la EX 18 a Mustér. Ed i dat gia plans per 2019. Alura (il matg) vul luniun edir il segund magazin. Quel duai preschentar surtut las purschidas da la stad en la regiun. Impurtant è era che l'UCP collavura e baratta opiniuns cun l'uniun dals possessurs da segundas abitaziuns.

Autur/a: Hubert Giger