La vita dal viturin – ina vita solitaria

La confidenza tranter il viturin e il chaval sto esser gronda. Senza quella na fissi betg pussaivel da trair laina en ils guauds.

Legenda da maletgs: RTR, G. Luzzi

La Val d'Uina è stretga e stipa e d'enviern pac traversada. Unic ils viturins en in viadi cun lur chavals. En lieus grev cuntanschibel e la lavur dal viturin da gronda valur. Cler, ins pudess anc sgular la laina cun il helicopter, ma la lavur dal viturin è pli ecologica.

Durant bunamain 3 mais tiran els laina giu dal guaud, a la fin èn quai enturn 350 fin 400 cubics. Al viturin Urs Unterweger da Ftan plascha la lavur cun ses chaval ed era la quietezza che regna.

Star si a bunura, far in lavur greva, mangiar en il liber e la saira turnar cuntent e cun satisfacziun vers chasa, quai è la vita dal viturin.

Laschar ir video «Viturins vid la lavur»

Viturins vid la lavur

1:11 min, Actualitad video dals 22.2.2017

Autur/a: RTR/gl