Intginas da sias caricaturas ha Linus Flepp (65 onns) publitgà en la Quotidiana. Perquai chel haja gì resuns positivs sin quellas ed era suenter chel ha gì preschenta ina schelta da sias caricaturas a lexposiziun da Nadal a Segnas, saja el sa decidì dad edir in cudesch. Ils temas van da la politica e religiun fin al sport. In tema è dentant tabu: Lislam. El haja differentas caricaturas da lislam, dad Allah, mo el na dastga betg edir ubain publitgar quellas. I dettia tantas difficultads cun islamists, schins considereschia era tge che era capità a Paris, e perquai veglia el laschar la detta da quai, di Linus Flepp.
Impurtant saja che lecturas e lecturs possian rir sur da sias caricaturas. El veglia dentant era esser critic e «furar» in pau.
300 exemplars
Lediziun cumpiglia 300 exemplars. El saja sa decidì da na betg far ina ediziun pli gronda, perquai chel na veglia seser sin cudeschs trenta onns. El haja pli gugent ina pitschna ediziun e cura chils cudeschs sajan davent saja els davent.
Il responsabel per il project è il graficher Marius Hublard. Las caricaturas èn en colurs cun in text rumantsch e tudestg. Il text tudestg fa Bistgaun Cathomen. Ina introducziun per il cudesch ha Giusep Capaul scrit.
Sche tut va sco previs cumpara il cudesch la fin da fanadur ubain l'entschatta d'avust.
