Medel: La punt da Scangles sut vegn sanada

Questa punt ha quasi 150 onns, ella è vegnida bajegiada tranter il 1870 e 1872. Quai era dal temp chins ha construì la via sur il pass dal Lucmagn. Uss sto il chantun sanar quest object istoric.

La punt da Scangles sut.
Legenda da maletgs: La punt da Scangles sut. RTR, Hubert Giger

Duvrar maulta da chaltschina

La punt da Scangles sut saja en in fitg bun stan, di il schef da lUffizi da construcziun bassa dal Grischun Reto Knuchel. Ella saja fitg bella ed ins stoppia mantegnair ella. La punt era vegnida construida cun crappa e cun maulta da chaltschina. Sanar ella vul dir: Remplazzar intgins craps e stuppar rusnas cun maulta da chaltschina - e na betg cun maulta da betun sco quai vegnia fatg savens ozendi, declera Knuchel.


Custs da ca. 300'000 francs

Questa punt vegn duvrada ozendi mo pli dals purs e viandants e mo pli da paucs vehichels. Perquai saja ella anc mantegnida uschè bain. La sanaziun custa ca. 300000 francs, custs che la Confederaziun ed il chantun surprendan. Las lavurs duain esser a fin anc quest onn. Il chantun veglia dar ella en auters mauns, di il schef da lUffizi da construcziun bassa. Forsa surprenda la vischnanca da Medel in di quest object istoric prezius.

Autur/a: Hubert Giger