Museum Savognin raquinta sgnoccas

L'exposiziun speziala da quest onn dal Museum Regiunal Savognin preschenta il tema sgnoccas da noss perdavants. L'exposiziun cuzza enfin Pasca da l'auter onn.

Not Spinatsch davant il Museum Savognin.
Legenda da maletgs: Not Spinatsch, il president da la Fundaziun Museum Curvanera Savognin enconuscha anc tut las sgnoccas da noss perdavants. RTR, Federico Belotti

Cun l'exposiziun «Sgnoccas» sa regorda il museum vi da raquints e ditgas da noss vegls. Pli baud vegniva fatg plaz sin il banc davant chasa. Gugent tadlav'ins sco uffants quels raquints, era sche quels n'eran betg adina dal tut vair, scriva il museum en ses flyer actual. La fantasia infantila furmava sia atgna paraula. Televisiun na devi anc betg da quai temp. 22 tavlas cun sgnoccas èn pendidas si en il museum a Savognin.

Autur/a: Federico Belotti