Siglir tar il cuntegn

Header

audio
En la canorta Lumpazi sa preparan ils uffants gist per far ina spassegiada.
RTR, Gion Hosang
laschar ir. Durada: 2 minutas 11 Secundas.
cuntegn

Mustér: Canorta Lumpazi – Da nov era be singuls dis

La canorta Lumpazi a Mustér avra sia purschida era per indigens ed esters che vulan dar giu ils uffants mo singuls dis.

Sco la manadra da la canorta Lisa Giorgio ha ditg, dettia quai adina puspè dumondas da pudair dar giu ils uffants be per singuls dis. Quai tant da giasts da vacanzas, dentant era dad indigens che na chattian betg a curta vista ina pussaivladad da laschar mirar dals uffants. Uschia haja la canorta Lumpazi gì l'idea da dar gist questa pussaivladad.

Canorta occupada bain

La canorta dastga porscher 18 plazs per uffants che na van anc betg a scola. I dettia dis nua ch'i sajan lura era 18 uffants en la canorta, auters dis dentant pli paucs. Uschia haja quai tut tenor capacitads libras. Ils geniturs pon s'annunziar e lura guardan las manadras sch'i ha anc capacitads. Tar ils uffants da scolina e scola primara è nagina limita perscritta. Là decida la canorta sezza quants uffants prender. Ils uffants che vegnan dentant mo sporadic na duain betg surpassar il dumber d'uffants che vegnan regularmain, declera Lisa Giorgio, perquai che lezs hajan vinavant prioritad.

Sco Lisa Giorgio di vinavant visitan 44 uffants da Trun fin Tujetsch regularmain la canorta.

Dapli da «Total local»

Scrollar a sanestra Scrollar a dretga