Siglir tar il cuntegn

Header

audio
Diego Deplazes.
RTR, H. GIGER
laschar ir. Durada: 3 minutas 45 Secundas.
cuntegn

Mustér: Emprims mais da lavur per Diego Deplazes

L'october passà è Diego Deplazes da Rabius entrà en sia plazza nova sco manader dal center da sanadad Puntreis. L'emprim temp ha el lavurà en plazza parziala, suenter en plazza cumplaina.

Durant quest temp ha el emprendì d'enconuscher collavuraturs, cussedents e parents da quels. Vitiers è la lavur administrativa vegnida, surtut las finanzas. L'atun èsi da far il budget e l'entschatta da l'onn èsi da serrar giu quint.

Passa 100 collavuraturs
Diego Deplazes è responsabel per las chasas da tgira a Mustér ed a Sedrun (Tgèsa S. Vigeli). En tut lavuran passa 100 persunas en il center da sanadad Puntreis. Suenter 100 dis en uffizi na possian ins betg dir bler, ma la lavur saja multifara ed interessanta.

Dapli lavur ils proxims mais
Ed ils proxims mais datti anc dapli lavur, perquai che la Tgèsa S. Vigeli vegn serrada la fin d'avrigl 2017. Perquai stoppian els guardar per bunas schliaziuns per persunal e cussedents.

Avant sia plazza nova ha Diego Deplazes manà durant 6 onns la Curatella professiunala Surselva.

Dapli da «Total local»

Scrollar a sanestra Scrollar a dretga