Mustér: Giuvens ustiers per ustaria Cucagna

Suenter in onn vegn l'ustaria Cucagna puspè reaverta ils 22 da december 2016. Dus giuvens ustiers oriunds da la Germania mainan il manaschi.

Michael e Manuela Kanski han emprendì d'enconuscher in l'auter en l'hotel ch'els han fatg l'emprendissadi.
Legenda da maletgs: Michael e Manuela Kanski han emprendì d'enconuscher in l'auter en l'hotel ch'els han fatg l'emprendissadi. RTR, Gion Hosang

Manuela e Michael Kanski èn ils dus gastronoms che mainan l'ustaria Cucagna. Entant che Michael Kanski ch'è cuschinier, restauratur e hotelier diplomà è responsabel davos las culissas ch'il manaschi marschia, è la spezialista da hotellaria, Manuala Kanski, a la front tar il giast.
L'ustaria duai porscher tratgas per mintga bursa, declera Manuela Kanski. Da mezdi vegnia purschì menus e la saira ina bella purschida à la carte. Sin la carta duain tratgas ord l'entira paletta da tratgas da las Alps figurar. Tratgas cuschinadas ed interpretadas a moda e maniera moderna e frestga. Spezialitads tipicas grischunas na vegni probabel betg a dar. Questas cuschinian ils gastronoms indigens meglier ch'els, manegia Manuela Kanski.
Il pli fitg sa legran Manuela e Michael Kanski sin lavertura. Sin ils inscunters cun indigens e giasts da vacanzas e sin chels astgan preschentar lur tratgas e lur cordialitad.

Autur/a: Gion Hosang