Mustér: L’engaschi da duas dunnas per ina funtauna

A Sontget datti puspè ina funtauna cun sculpturas da lartist indigen Antonino di Bella. Er il plaz enturn funtauna è vegnì fatg nov, cura che la via chantunala atras Mustér è vegnida renovada. Custs inclusiv il plaz circa 120'000 francs.

Vrena Werth (san.) e Rita Furger.
Legenda da maletgs: Vrena Werth (san.) e Rita Furger. RTR, Hubert Furger

Betg ina funtauna 08.15

Rita Furger e Vrena Werth èn sengaschadas ferm per ina funtauna nova a Sontget. Il settember 2013 han ellas scrit ina brev a la suprastanza communala, perquai chellas avevan constatà ch'il chaplut, la sculptura da Sogn Placi e la funtauna eran vegnì allontanads senza infurmar ils vischins. Quai era succedì en connex cun la sanaziun da la via chantunala. Ellas han constatà en la brev chil lieu da la sculptura haja ina «muntada pli gronda per Mustér e per la claustra ed en special era per ils convischins da Sontget».

Suenter ina sesida ha la vischnanca suttamess in project, mo ils vischins han refusà quel. Els na veglian betg simplamain ina funtauna «08.15». La finala ha lartist indigen Antonino di Bella elavurà in project cun ina funtauna, ina stadaira ed in indriz cun pitschnas funtaunas. En ses project ha el integrà cifras che han in connex cun Sogn Placi e la claustra da Mustér.

Engaschi è sa cumprovà

Schins vesia oz il resultat saja lur engaschi sa cumprovà, di Vrena Werth. E Rita Furger di chi haja dà temps chella avess pudì bittar la fautsch en il chanvà, perquai chi haja cuzzà dal 2006 (cura chins haja ditg chins fetschia ina funtauna) fin il 2018. Mo cun empruvar adina puspè saja quai reussì ed ins emblidia alura era insacura quai che saja stà in pau main empernaivel.

Ina istorgia da 65 onns

Listorgia da la funtauna, dal chaplut e da la sculptura da Sogn Placi a Sontget ha cumenzà il 1953. Alura avevan ils vischins da Sontget bajegià ina funtauna. Quella è alura vegnida renovada pliras giadas. Il 2003 dumondan ils vischins lUniun da giuventetgna Mustér (che è proprietaria dal chaplut), schins veglia furmar da nov il plaz. Luniun è pronta da laschar allontanar il chaplut cun la sculptura e da laschar far insatge nov che «correspunda al nov plaz funtauna».
Il 2006 datti pliras sesidas ed infurmaziuns senza ina decisiun. Dal 2006 fin il 2013 vegn il project sistì, perquai chins ha vulì spetgar fin che la via chantunala è sanada.

Suenter lengaschi da Rita Furger, Vrena Werth e Simon Camartin ed ils sustegn finanzial da Heinrich Berther è il project vegnì realisà e la funtauna Sogn Placi inaugurada lavust 2018.

Autur/a: Hubert Giger