Mustér: Las duas emprimas polimecanistas da la Distec

Per l'emprima giada en sia istorgia ha la Distec a Mustér duas giuvnas ch'emprendan da polimecanista: Alexandra Capaul da Cuira (2. onn) e Jacqueline Flepp da Trun (1. onn).

Alexandra Capaul (senester) cun chavels blonds e Jacqueline Flepp, chavels brins ed egliers.
Legenda da maletgs: Alexandra Capaul (senester) e Jacqueline Flepp. RTR, H. Giger

Jacqueline Flepp di ch'ella haja emprendì questa professiun perquai chella haja vulì lavurar manual. E perquai ch'il frar lavuria era tar Distec haja quai sveglià l'interess.
Alexandra Capaul di ch'ella n'haja betg chattà insatge che plascheva. Alura haja el guardar en l'internet e chattà questa professiun.

Mo trais polimecanistas en il Grischun
Mintga giuvna possia far questa professiun, dian ellas. Mo igl è grev da dir pertge ch'i dat mo paucas polimecanistas. En il Grischun datti il mument trais.
Il responsabel tar la Distec Marcus Jacomet sa ch'igl è grev da motivar giuvnas per questa professiun. El manegia che las scolas duessan preschentar ella pli detaglià ed uschia pudair motivar e dar curaschi ad ellas.

Autur/a: RTR/dh