Siglir tar il cuntegn

Header

audio
Sis dunnas han furmà ina gruppa d'interess per salvar l'uniun da dunnas.
RTR, G. Hosang
laschar ir. Durada: 6 minutas 23 Secundas.
cuntegn

Mustér: Salvament da l'uniun da dunnas

Katrin Pally, Christina Làbas e Rita Fruger furman la nova suprastanza.

L'Uniun da dunnas da Mustér è stada questa primavaira curt avant ir cun ils pes ensi. Malgrà che l'uniun dumbra var 250 commembras n'èsi betg stà pussaivel da chattar ina presidenta per l'uniun a la radunanza generala. Grazia a sis dunnas, che han prendì l'iniziativa e furmà durant questa radunanza ina gruppa d'interess per salvar l'uniun, han i dà venderdis passà ina radunanza extraordinaria nua ch'igl è vegnì elegì ina nova suprastanza.

Per savair occupar ils posts en suprastanza èsi vegnì dà a l'uniun ina nova structura. Enstagl d'ina suprastanza da tschintg datti da nov ina suprastanza da trais persunas. Sco presidenta è Katrin Pally vegnida elegida, sco co-presidenta Christina Làbas e sco cassiera Rita Furger.

Fiera da Nadal be en in lieu

Entaifer questas discussiuns e ponderaziuns han ins era tschertgà sinergias ed era chattà. E quai cun la fiera da Nadal. Las uniuns da dunnas da Medel, Tujetsch e Mustér organiseschan quellas en il futur alternant. Per entschaiver vegn la fiera organisada quest onn a Tujetsch. La fiera da Nadal è ils 21 da november a Sedrun sin la plazza da scola.

Redacziun: Gion Hosang

Dapli da «Total local»

Scrollar a sanestra Scrollar a dretga