Mustér: Seniors 60+ - interess moderà

Persunas che sesan e guardan vid ina paraid cun blers placats.
Legenda da maletgs: Ils resultats dal di pendan vid la paraid e vegnan discutads. RTR, G. Hosang

La populaziun da Mustér sur 60 onns è stada envidada ad in lavuratori per il futur dals seniors. Envidads eran passa 600, vegnids èn 60. La suprastanta da vischnanca Cecilia Maissen è dentant tuttina cuntenta. Sco ella di veglian ins ina giada metter sin via las novas purschidas cun las persunas che hajan interess e sajan era prontas da sa gidar. L'idea da quest lavuratori che vegn sustegnì dal chantun ed accumpagnà da la Pro Senectute è da chattar bunas purschidas per seniors uschia che quels sa sentan bain a chasa e pon era viver là uschè ditg sco pussaivel e na stoppian betg ir en in chasa da vegls.

Al lavuratori han las participantas ed ils participants guardà tge che las fermezzas e las flaivlezzas da la vischnanca èn. Silsuenter èsi vegnì guardà en il futur.

Autur/a: RTR/df