Mustér: Uffants fan teater

A Mustér preschenta la gruppa duffants da teater per l'emprima giada in teater.

Ricardo, Lucas, Ramona, Sabrina e Jasmin sa preschentan cun il toc «Il niev computer».
Legenda da maletgs: Ricardo, Lucas, Ramona, Sabrina e Jasmin sa preschentan cun il toc «Il niev computer». RTR, G. Hosang

Al giavisch da Ramona Simonet e Lucas Lutz da pudair far teater ha la reschissura Tina Bundi gugent dà suatientscha. Era ella leva gia daditg ina giada far teater cun uffants. Trais mattatschas ed dus mattatschs preschentan il toc «Il niev computer» da Peter Gerold che la reschissura ha translatà sezza. Tina Bundi spera che l'emprima producziun infecteschia anc ulteriurs uffants cun il virus da far teater uschia che la gruppa crescha in pau. Lura saja pli simpel da chattar buns tocs.


La gruppa preschenta duas giadas il toc che cuzza var in'ura. Venderdi, ils 5 da zercladur 2015, las 20.00 e dumengia, ils 7 da zercladur 2015, las 17.00. Mintgamai en halla Cons a Mustér.

Autur/a: RTR/dh