Nova plazza da giugar a Schluein

Suenter ina renovaziun da 90'000 francs è la plazza da giugar Mulinas a Schluein vegnida inaugurada.

Plazza da gieus Schluein.
Legenda da maletgs: Plazza da gieus Schluein. RTR, Carlo Albin

Dapi il 1990 datti la plazza da giugar Mulinas a Schluein. Avon 10 onns è ella vegnida renovada, lura dentant senza far nov la saiv da lenn enturn la plazza. Quella saiv era uss en decadenza ed ha stuì vegnir remplazzada. Sinquai ha la suprastanza fatg la proposta d'investir 90'000 francs e da gest renovar l'entira plazza da giugar e da adattar ella a las leschas per plazzas da giugar vertentas.


Nova plazza da grillar

Plinavant è era vegnì realisà gist dasperas la plazza da giugar ina plazza da grillar per famiglias. Planisà è tenor la suprastanza communala da Schluein era anc ina funtauna.