Siglir tar il cuntegn

Header

audio
Bibi Vaplan sin tura tras l'Engiadina per «Jede Rappa zählt».
RTR, Georg Luzzi
laschar ir. Durada: 2 minutas 53 Secundas.
cuntegn

Per ina buna chaussa cun il tractor tras l'Engiadina

Bibi Vaplan è da viadi cun in tractor davent da Sent enfin a San Murezzan per sustegnair il project «Jeda Rappe zählt».

Il tractor, quel dess svegliar tut quels che sesan in stiva, el è bain udibel. L'effect para da funcziunar, pitschen e grond sa radunan sin la plazza da glatsch a Zernez per far ina donaziun a favur d'uffants e famiglias senza dachasa.

Bibi Valplan ha cumenzà sia acziun a Sent. Ella vegn sustegnida dad in comité d'organisaziun. En mintga vitg, nua ch'ella arriva cun ses tractor èn vegnidas organisadas diversas attracziuns: Per exempel suna la musica a Sent, Nevin Galmarini ingianta sia chappellina ad Ardez e las classas dal stgalim superiur da Zernez chantan chanzuns da Nadal.

Project sustegna famiglias senza dachasa

La solidaritad en Engiadina è gronda, blers pitschens e gronds vegnan sin las plazzas dals vitgs – nua che Bibi Vaplan arriva cun ses tractor – per dar in tschincun e forza era en zichel dapli a favur dal project che ramassa per sustegnair famiglias ed uffants senza dachasa. Suenter sis vitgs ha ella ramassà radund 14'000 francs.

A la fin dastga Bibi Vaplan prender la cassa enta maun e manar quella en la Glasbox a Lucerna per surdar l'import ramassà tras l'Engiadina.

Dapli da «Total local»

Scrollar a sanestra Scrollar a dretga