Ristgar l’existenza per organisar in musical

Il musical «Adia Surselva – Hello New York» dal Chor mischedau Rueun Siat custa CHF 160'000.-. In grond eveniment, dentant era ina gronda ristga per il chor.

Adia Surselva - Hello New York
Legenda da maletgs: Adia Surselva - Hello New York mad

CHF 160'000.- custa il musical «Adia Surselva – Hello New York» ch'il Chor mischedau Rueun Siat presenta quest onn en la halla polivalenta a Rueun. Igl è gia il quart musical suenter Sergei ed Onna (1999), Brischa, stria! (2001) e Nina – la polaca (2008). Il musical actual raquinta la istorgia d'ina dunna giuvna da Rueun ed in giuven um da Sagogn che bandunan la Surselva per emigrar en l'America resp. il Canada.


Paraids da video sco culissas

Sco il president dal comité d'organisaziun Alberto Palaia di, è uschia in musical betg mo ina sfida organisatorica, mabain era ina sfida finanziala, che pudess periclitar l'existenza dal chor. Il preventiv munta a CHF 160000.-. Ina gronda summa, chè dentant da declerar cun las investiziuns fatgas. Gia las investiziuns per la tecnica muntan a CHF 60'000.-. Dasperas han ils organisaturs anc installà ina tenda per l'ustaria, han montà ina tribuna per ils aspectaturs che tanscha fin pauc sut il tetg da la halla polivalenta ed era las culissas èn spezialas. Enstagl da culissas malegiadas vegnan duvradas grondas paraids da video per inscenar ils pli che 30 lieus en il musical cun fotografias ni era videos.

Autur/a: Carlo Albin