S-chanf: Il stgazi d’aur

Fotografia da la deponia Bos-chetta Plauna a S-chanf.
Legenda da maletgs: La deponia Bos-chetta Plauna a S-chanf. RTR

Dapi 13 onns datti gia la deponia Bos-chetta Plauna a S-chanf. Questa ha purtà fin uss 15 milliuns francs en la cassa da la vischnanca.
Cun raschun ha la deponia perquai il surnum stgazi d'aur, di il president communal Duri Campell. Grazia a questas entradas hajan ins pudì far investiziuns tar tut las infrastructuras da la vischnanca e las fracziuns.
Cumenzà cun la deponia han ins l'onn 1992. Quella giada eran ins en la regiun en tschertga d'in lieu per depositar material da stgav.

Cura è a fin cun la deponia?
Anc han ins plazza per radund 200'000 meters cubic material. Suenter dovri ina nova plazza. Era questa pudess esser vinavant a S-chanf. La vischnanca discuta numnadamain d'engrondir la deponia vers la via maistra. Quai fiss plazza per ulteriurs 800'000 meters cubic material da stgav.

Autur/a: RTR/df