Salouf: Avegnir dal runal è intschert

Avant 15 onns ha ina fundaziun dal chantun Son Gagl finanzià in runal duffants a Salouf. Suenter la fusiun da vallada è il runal vegnì surdà a la vischnanca da Surses. Malgrà chigl ha quest enviern dà blera naiv, nè il runal betg vegnì installà. Quai ha differentas raschuns.

Il runal era installà sin questa spunda.
Legenda da maletgs: Il runal era installà sin questa spunda. RTR, Federico Belotti

Sin la tavla naira davant il Volg da Salouf è da leger ina infurmaziun da burgais preoccupads che sa dumondan, nua chil runal saja svanì, ins saja en contact cun la vischnanca.

Sin dumonda da RTR ha il president communal da Surses Leo Thomann ditg, chins saja sa decidì da betg installar pli il runal. Il problem saja chi na dettia nagina maschina da far pistas pli a Salouf, ed era nagina persuna da la vischnanca che veglia surpigliar la responsabladad per il manaschi dal runal. Era saja il runal betg vegnì duvrà bler il davos temp. Ins saja però avert per midadas. Schinsatgi da Salouf fiss pront da surpigliar la responsabladad per il runal e da guardar per la concessiun necessaria, alura fiss la vischnanca pronta da installar gratuit il runal a Salouf. Pussaivel saja senzauter, dinstallar il runal anc avant las vacanzas da sport dal favrer. Sche quai vegn a capitar, dependa damai da liniziativa da privats.

Autur/a: Federico Belotti