San Murezzan: Aucziun da pignols

73'650 francs ha l'hotel Palace a San Murezzan pudì rimnar per in bun intent. Quai cun vender 19 pignols da Nadal. Ma betg mo da quels convenziunals, mabain spezials. Per exempel in or da 8 kilos tschigulatta ubain in or da 60 buttiglias gin.

L'aucziun era en la sala da bal dal Palace.
Legenda da maletgs: L'aucziun era en la sala da bal dal Palace. RTR / Violanta Rominger

120 persunas eran envidadas per la saira da gala en l'hotel da tschintg stailas. Ils raps vegnan da bun a quatter organisaziuns da l'Engiadin'Ota.

  • La scola da skis per tschorvs
  • L'ufficina cun la fundaziun Movimento
  • La KIBE Engiadin'Ota e
  • L'organisaziun Avegni

L'aucziun organisescha l'hotel Palace gia per la 18avla giada. I saja in'acziun che vegnia da cor, ins veglia dar enavos insatge a la val ed ins veglia far attent gist en il temp da Nadal ch'i dat era tar nus blera glieud che n'è betg uschè fortunada sco auters.

Autur/a: Violanta Rominger