Schlagerparade procura per hotels occupads

La hotellaria da Cuira porscha 1'000 letgs per giasts. In dumber che na basta betg per ils 30'000 visitaders che vegnivan en media mintg'onn per la Schlagerparade a Cuira.

Visitaders a la Schlagerparade
Legenda da maletgs: La Schlagerparade na procura betg mo per vias emplenidas mabain er per hotels plains. Keystone

Gia dapi plirs onns collavurescha Cuira Turissem cun las destinaziuns da Lai/Valbella u er cun lhotel a Panaduz. Blers visitaders stabels da la Schlagerparade hajan gia reservà avant in onn lur chombra per loccurrenza da quest onn. Ma quella giada na saveva anc nagin che la parada cuzza quest onn dus dis. Uschia sajan ils hotels emplenids la sonda sin dumengia, fertant chì haja anc plaz dal venderdi sin sonda, menziunescha Leonie Liesch, la directura da Cuira Turissem.

22avla ediziun – tut è nov

Quest onn datti plirs novums a la pli gronda occurrenza da Cuira. Ella cumenza gia il venderdi a las 16.00 cun ina Disco da rulettas per pign e grond. Era il til da la sonda ha questa giada inautra ruta e la festa ha lieu da nov en la Stadthalle da Cuira e betg pli sin lArcas.

Autur/a: Alice Bertogg