Schluein: ORF 1 en direct da Schluein

Nagut è memia bler sche i va per l'equipa naziunala da ballape da l'Austria.

Tut la tecnica per la transmissiun è installada davos il plaz da ballape.
Legenda da maletgs: Tut la tecnica per la transmissiun è installada davos il plaz da ballape. RTR, C. Albin

Schluein/Glion encunter la naziunala da l'Austria vegn emess direct e quai durant il meglier temp per la televisiun davent da las 17:30 fin bunamain las otg.

Era quai, nagin problem, pervia da l'euforia per il ballape che regia en l'Austria, uschia argumentescha Martin Krischke, il manader da producziun per questa emissiun. In gieu amicabel, in gieu da test, dentant segir betg in gieu da gronda impurtanza per ils Austriacs. Tant tar ils fatgs e l'idea da realisar quest gieu amicabel.

2 camiuns plain tecnica
Las dimensiuns tecnicas per quest rapportar ord la provinza svizra èn immensas. L'entira infrastructura per ina tala emissiun sto vegnir transportada sin il plaz davent da Vienna a Schluein. I vegn lavurà cun set cameras grondas e duas mini cameras en ils gols. Var 10 kilometers cabels vegnan tschentads per realisar quest'emissiun. En tut è ina equipa da 39 persunas dal ORF sin plaz. Quai èn reschia, redacziun, producziun, tecnica e gidanters.

Autur/a: RTR/ll/dh