Segl: Emprim martgà al «Beach Club»

Quest venderdi ha lieu tar il restaurant Beach Club a Segl in martgà cun differents expositurs. Organisà il martgà ha la manadra dal Beach Club, Vera Grass, cun agid da Segl turissem. Sia finamira saja da puspè far pli enconuschent il restaurant.

Il team dal Beach Club cun Vera Grass.
Legenda da maletgs: Il team dal Beach Club cun Vera Grass (davos dretg). RTR, Violanta Rominger

Vera Grass maina dapi dus onns il Beach Club a Segl. Ella ha lavurà bler en quest temp per puspè far in num al restaurant ed entant lavura ella bain. Ella haja blers giasts ma era giasts indigens fidaivels che sustegnian ella. E tuttina fai da basegn da far reclama. Il martgà a la riva da lai da Silvaplauna duess gidar.

Il martgà ha lieu il venderdi suentermezdi e la saira suna anc ina band live.

Cun questa band spera Vera Grass che la glieud restia era pli ditg che quai chil martgà ha effectivamain lieu.
Schels vegnan ad avair success u betg decida era davart la dumonda schil martgà vegn ad avair lieu pli savens, u mo questa singula giada.

Autur/a: RTR/vr/dh