Tschintg commembers han abditgà
Ils 11 davust han musicantas e musicants gì ina saira dinfurmaziun e da discussiun. En il center da questa discussiun steva lavegnir da la societad da musica. In motiv dad organisar questa saira saja stà che la dirigenta aveva scrit chella veglia forsa chalar, di la presidenta da la societad da musica Medel Silvana Monn. Lezza saira hajan 5 dals 20 commembers da la societad da musica abditgà. Quai na saja dentant betg stà ina surpraisa, perquai chi dettia quasi mintgonn commembers che sa retirian.
Betg chattà novs commembers
Sco Silvana Monn di enavant hajan els empruvà da motivar anteriurs commembers da far part puspè da la societad da musica Medel – ma senza success. Plinavant hajan els era envidà scolars da vegnir a guardar in exercizi ed empruvar ils instruments. Ma senza success. .
Els hajan era discutà la dumonda sche quai na fiss pussaivel da collavurar cun musicants dad ordaifer la val. Mo quai na saja era betg ina schliaziun, perquai che quels vegnissan forsa mo per gidar a sunar in concert e mancassan alura a las festas da baselgia. Bun fiss dentant sche quels daventassan commembers novs.
Situaziun fitg critica
La situaziun saja fitg critica, di la presidenta. Cun ca. 15 commembers na tanschia quai betg per in pensum minimal dina societad da musica. A la radunanza generala da loctober veglian els discutar tge far e schins stoppia – en il mender cas – forsa schizunt schliar la societad da musica. Mo alura mancass ina part impurtant da la cultura en la vischnanca da Medel.
