Suiseki po mintgin far

L'art giapunais d'exponer crappa che sumeglia muntognas, ha era amis en Surselva.

Suiseki è ina moda da preschentar crappa che sumeglia muntognas e deriva dal Giapun. Chattar chattan ins da quella crappa dapertut. Uschia èsi era pussaivel da tgirar in tal hobi en Surselva. Silvia Thoma da Laax ha chattà per sasezza quest hobi avant 20 onns. Ella è vegnida entras ses hobi da far Bonsai, quai en las plantas pitschnas, tar il Suiseki, la crappa che vesa ora sco muntognas. Silvia Thoma ha perfecziunà quest hobi sur ils onns, cun rimnar ed exponer la crappa da Suiseki.


Hobi per mintgin


Far Suiseki è dentant nagin striegn di Silvia Thoma. I dovra simplamain in pau temp. Surtut tschertgar la crappa è ina chaussa da pazienza. Betg mintga crap è adattà per daventar in bel Suiseki di Silvia Thoma.
Ina giada ch'ins ha chattà in crap cun potenzial che sumeglia ina muntogna cumenza la lavur. Mintga crap da Suiseki survegn in sochel da lain igl uschè numnà «Daiza». Quel vegn taglià uschia ch'el enzuglia il crap. Tagliar en lain n'è dentant betg uschè simpel perquai propona Silvia Thoma als principiants da far ils sochels cun ina sort pasta «FIMO» che vegn dira cun coier. L'idea sco tala da far Suiseki e da crear cuntradas en miniatura. Gist perquai vegn savens cumbinà Suiseki cun Bonsai. En il Giapun vegn ils Suisekis preschentà en «Toconomas» quai è ina sort altar.

Criteris per Suiseki


• El sumeglià ina muntogna, in grip, ina insla
• El po sumegliar in grip sper la mar, ch'è lavà ora suten
• Il crap na dastga betg avair nodas frestgas
• Il crap na dastga betg avair fessas che rumpan
• Il crap manglass avair ina surfatscha regulara
• Giavischà èn crappa stgira

Autur/a: Linus Livers