Sumvitg: Casa sogn Giusep vegn renovada

La cafetaria vegn stgarpada giu e suren datti trais auzadas cun mintgamai quatter chombras singulas cun duscha e tualetta. Il bajetg existent vegn adattà per che tut las chombras hajan era duscha, bigl e tualetta. Las lavurs han cumenzà mez mars.

Casa sogn Giusep
Legenda da maletgs: Casa sogn Giusep. RTR.Hubert Giger

Il dumber resta a 29 letgs da tgira

La cafetaria è vegnida dischlocada en la stanza datelier. Era sch'i dat 12 chombras novas resta il dumber dals letgs da tgira a 29 en la Casa sogn Giusep, di il president da la cumissiun ha bajegiar Lucas Tuor. Ma en lavegnir na datti betg pli chombras dublas. Mintgin veglia sia sfera privata. Els veglian dentant crear spazi per persunas che vegnan en vacanzas ubain per giasts dal di.

Passa 4 milliuns francs

La renovaziun custa passa 4 milliuns francs. Fin il december 2019 duess il bajetg nov esser fatg, e 2020 vegn il bajetg existent adattà.

Autur/a: Hubert Giger