Siglir tar il cuntegn

Header

audio
La gruppa da teater durant in'emprova
RTR, Gion Hosang
laschar ir. Durada: 3 minutas 27 Secundas.
cuntegn

Sumvitg: Nova gruppa da teater fa teater en il teater

«Tut mo teater», uschia sa numna l'emprim toc che la nova Gruppa da teater Sumvitg preschenta al public.

A Sumvitg è vegnida fundada ina nova gruppa da teater. Venderdi, ils 23 da mars 2017 sa preschenta ella per l'emprima giada, e quai cun la cumedia «Tut mo teater» da l'autur Arno Boas. En il toc vai per ina gruppa da teater che po festivar il giubileum da 10 onns e vul per quest intent preschentar in toc. Quel è dentant ì a perder, uschia che las turbulenzas cumenzan. Era suenter avair chattà in toc, na datti betg pli paucas turbulenzas.

Mintga dus onns in teater

L'idea da fundar ina gruppa da teater a Sumvitg è naschida entras il teater che l'Uniun da dunnas ha mussà avant trais onns. Las persunas cumpigliadas lezza giada han gì gust e tschaffen da far vinavant teater ed uschè è vegnida fundada in'uniun, declera il president Flurin Candinas. La gruppa dumbra 25 commembras e commembers da differentas vegliadetgnas. Tenor el ha la gruppa anc potenzial da crescher, interessents sajan bainvegnids. Tenor Flurin Candinas èsi previs da far mintg'auter onn teater, e quai il pli probabel cumedias.

Dapli da «Total local»

Scrollar a sanestra Scrollar a dretga