Sur En (Sent): Maun en maun, 2 artists ina simbiosa

Ina caricaturista ed in artist collavuran vi dad ina sculptura. Il resultat è ina cumbinaziun tranter dissegn liber, lain e crap. Tut capita il mument, nagut è propi previs.

Dus artists che colureschan in crap.
Legenda da maletgs: 17 artists stgaffeschan art sin la plazza da campar Sur En. RTR, G. Luzzi

Dals 12 als 18 zercladur ha lieu il 22avel simposi da sculpturas a Sur En en Engiadina Bassa. 17 artists stgaffeschan ina sculptura sin la plazza da campar.

Stretga collavuraziun tranter caricaturista ed artist
Tut capita il mument e nagut è planisà a lunga vista. Il resultat da la collavuraziun è ina cumbinaziun da dissegn liber, crap e lain.

Sculpturas particularas
Il resultat n'è per il mument anc betg visibel. Fin la fin da l'emna han ins anc temp da stgaffir sculpturas da crap e lain entagliadas e dissegnadas dals 2 artists.

Ils 18 da zercladur han ins la pussaivladad da contemplar las sculpturas finidas. La vernissascha dura da las 15.00 a las 18.00 sin la plazza da campar a Sur En (Sent).

Laschar ir video «2 artists - 1 sculptura»

2 artists - 1 sculptura

1:40 min, dals 16.6.2016

Autur/a: RTR/gl/cl