Surrein: La via tras il vitg duai vegnir illuminada

Igl è ina da las paucas vias tras in vitg che n'è anc betg illuminada. Ma il 2016 vul il chantun sanar questa via tras Surrein ed en quest mument less la vischnanca installar chazzolas. Quai sin giavisch d'intgins abitants, sco il president communal da Sumvitg Armin Candinas ha confirmà al Radio Rumantsch. El na sappia dentant anc betg quant che quai custia. La via paja il chantun.
Ina retschertga ch'il Radio Rumantsch ha fatg tar abitants da Surrein mussa che quasi tuts èn persuenter d'illuminar la via tras il vitg. La saira cura ch'igl è stgir saja quai malsegir schebain per ils peduns sco era per ils automobilists.