Sursaissa: Cursas da mini autos

Ils mini autos, las chistas da savun èn stadas questa fin demna en il Grischun. Gist duas cursas che quintan per la cuppa svizra han gì lieu.

In mini-car en ina storscha.
Legenda da maletgs: La passascha da slalom è fitg difficila per ils giuvens pilots RTR, L. LIVERS

Ina cursa è stada a Sursaissa e l'autra a Tschiertschen. Per la 12avla giada è la cuppa svizra Sursaissa. Ils organisaturs, la Surselva Turissem SA, han envidà Carlo Janka per dar liber la partenza. Il skiunz da Sursaissa ha pudì far quai quasi avant ses isch chasa a Miraniga.

Tar las cursas en las chistas da savun accumpognan babs e mammas ils uffants. Davent da 7 enfin 16 onns pon ils uffants sa participar a questas cursas.

Las cursas en las chistas da savun valan sco buna partenza per ils pilots da go-karts.

Autur/a: RTR/ll