Surselva Turissem: Nova preschientscha online

La pagina Surselva.info vegn clamada si 3,6 milliuns giadas ad onn.

La pagina iniziala per l'enviern.
Legenda da maletgs: La pagina iniziala per l'enviern. MAD

La nova pagina d'internet da Surselva turissem è activa dapi ils 28 da december. Questa pagina presenta la Surselva davent da Glion fin Trun e lentira Lumnezia.

La finamira da la nova pagina e cuntanschida, constatescha Claudia Meyer da Surselva Turrissem. Ils emprims resultats mussan, ch'ils utilisaders èn pli ditg sin la pagina, mo visitan els pli paucas paginas. Quai munta che la pagina è pli survesaivla ed ils utilisaders chattan pli spert quai chels vulan.

Nova parita

La pagina nova vegn dominada da fotografias. Cun fotografias possian ins raquintar il meglier las istorgias da la Surselva, manegia Claudia Meyer. Che la pagina è gartegiada saja era vegnì attestà dals utilisaders. Las emprimas reacziuns sajan stadas ordvart positivas, constatescha Meyer.

Autur/a: Linus Livers