Té da Ftan – cun ervinas da Ftan

Sin 1650 meters sur mar a Ftan creschan las differentas ervinas e flurs che Silvia Vonlathen dovra per far ses té.

Silvia Vonlanthen dovra las ervas da Ftan per far tés.
Legenda da maletgs: Silvia Vonlanthen dovra las ervas da Ftan per far tés. RTR, Reto Mayer

Radund ina dunsaina da differentas flurs ed ervas dovra Silvia Vonlanthen per far il té da Ftan. Latiers tutgan menta, melissa, ruanaida, origano, calendula, flur da graun u er suvi, per menziunar be ina part.

Tut quellas ervinas creschan en ils trais ierts da Silvia Vonlanthen a Ftan e portan il label biologic. A Ftan ha ella fabritgà ord ina stalla veglia in local da deposit, in local per la producziun e la butia che sa numna «Stalletta».

La producziun è durant ils onns daventada adina pli gronda. Uschia è il té da Ftan er ina part dal «Scarnuz grischun». Quant té che Silvia Vonlanthen producescha na sa ella betg precis. Las cifras chella ha menziunà en tranter 5000 e 10000 satgins per onn a mintgamai 20 grams.

Autur/a: RTR/rm