Tinizong: Sanaziun cumpletta da la plazza da ballape

La plazza da ballape dal Club da ballape Surses è vegnida sanada cumplettamain. Il pastg vegl è vegni remplazzà entras in pastg ibrid che cuntegn 90% tschispet natiral e 10% tschispet artifizial.

Nova plazza da ballape per il CB Surses.
Legenda da maletgs: Nova plazza da ballape per il CB Surses. RTR, Federico Belotti

Sco quai che Ivan Brenn, il president dal CBS ha ditg, saja il nov pastg pli resistent ed ins possia cumenzar pli baud a giugar la primavaira e suenter ch'igl haja pluvì. Dasper il nov pastg datti er novs indrizs sanitars ch'èn accessibels per sutgas cun rodas. Quellas lavurs vegnan terminadas anc quest atun. Renovadas èn er vegnidas las lingias d'aua, las glischs da la plazza sco er las saivs.

Autur/a: Federico Belotti