Trun: Flurin Maissen chala sco president da Nordic Surselva

Suenter bunamain 30 onns sco president saja temp per ina midada. En l'avegnir dovria quai ina structura professiunala per il sport da passlung en Surselva.

Flurin Maissen
Legenda da maletgs: Flurin Maissen RTR, Linus Livers

Flurin Maissen ha dà giu sco president da l'uniun Nordic Surselva sin la fin da la stagiun d'enviern 2016/17. El è stà bunamain 30 onns a la testa da l'uniun ed ha promovì il sport da passlung cun gronda passiun. Quest sport saja dentant daventà uschè professiunal, ch'i dovria era ina structura professiunala per organisar e preparar las loipas en Surselva. Far quella lavur be en il temp liber ed anc lavurar a medem temp 100% na saja betg pli pussibel.

Autur/a: Carlo Albin