Tujetsch: Fin da l'uniun da dunnas?

Dapi 4 onns tschertga luniun da dunnas Tujetsch ina presidenta. Quest tema, respectiv l'avegnir da l'uniun, è sin la glista da tractandas sonda a la radunanza generala.

Umbriva ubain sulegl per l'uniun da dunnas Tujetsch?
Legenda da maletgs: Umbriva ubain sulegl per l'uniun da dunnas Tujetsch? RTR, Hubert Giger

Sa gidar, dentant betg star en suprastanza

Dapi blers onns hajan ellas miseria da chattar ina presidenta, di la vicepresidenta ed actuara Sabina Albin. Ella manegia che las dunnas giuvnas n'hajan betg temp da surprender quest uffizi perquai chellas lavuran, e las dunnas pli passadas fetschian valair che las giuvnas stuessan sa metter a disposiziun. Bleras dunnas sajan prontas da sa gidar, dentant betg da star en suprastanza.

Reducì la lavur

Là hajan ellas pudì reducir la lavur, perquai che las assessuras sa gidan. Ellas organiseschian anc regularmain (ina giada il mais) dar troccas cun ils seniors, plinavant loraziun mundiala, las chandailas da Pasca ubain la via d'Advent. Perquai che linteress manchia, hajan ellas dentant mo pli organisà paucs curs da zambregiar ni da computer euv.

Temp d'uffizi da l'actuara va a fin

Il mument gidan trais assessuras lactuara Sabina Albin e la cassiera Jeannette Derungs a far la lavur en suprastanza. En in onn sa retira Sabina Albin. Alura restass anc la cassiera. Ellas stuessan dentant avair almain duas suprastantas per pudair manar luniun, di la vicepresidenta.

Fin da l'uniun?

Uss sonda, ils 14 da schaner, vegn il problem tractà. Forsa surprenda ina da las ca. 150 commembras la finala tuttina anc il presidi, uschiglio pudess listorgia da luniun ch'exista dapi 1966 esser a fin.