Val Müstair: Inscunter dals Jauerins

Emigrà e chattà in nova patria - turnar na vegn per blers betg en dumonda.

Persunas sesan vid maisa en ina sala.
Legenda da maletgs: Per ils blers presents a l'occurenza na vegn in return betg en dumanda. RTR, V. Rominger

Questa fin d'emna ha gì lieu in inscunter dals ex-Jauers, ils Jauerins en Val Müstair. In project organisà da la Biosfera Val Müstair. In inscunter tranter amis, ma en emprima lingia in project che duess purtar fritgs, di il maina project Gottfried Hohenegger. Finamira è numnadamain che Jauers ch'èn emigrads avant onns turnan en Val Müstair. CHF 15'000 enfin CHF 20'000 investescha la Val Müstair en quest project che ha gì lieu per l'emprima giada.

Per blers dals preschents na vegn turnar dentant betg en dumonda. Ins turna gugent per far vacanzas, per far ina visita a parents. Ma turnar per adina quai betg. Almain al mument betg.

Ma tgi sa, tals inscunters dasdan emoziuns e forsa era la veglia da turna, quai spera Gottfried Hohenegger. L'inscunter da la cuminanza dals ex-Jauers duess perquai, sche pussaivel, avair lieu mintg'onn.
Redacziun: Violanta Rominger

Laschar ir video «Ex-jauers en Val Müstair»

Ex-jauers en Val Müstair

2:45 min, Actualitad video dals 9.11.2015

Autur/a: RTR/oc