Fugitivs n'han betg la pussaivladad da lavurar ed han er paucs contacts cun la cultura indigena. Els nenconuschan betg las usanzas e ils usits da la Svizra.
Iniziants da la Val Müstair han ussa lantschà in project che prevesa da tschertgar ina madritscha o in padrin per ils fugitivs. Uschia vulan ins promover il contact ed era mussar als fugitivs las usanzas ed ils usits che regnan tar nus.
Daventar padrin dad in fugitiv
Sch'ina persuna è pronta da daventar madritscha u padrin dad in fugitiv sche sa declera ella pronta da stgaffir in contact social e da sustegnair il fugitiv u la fugitiva oravant tut era cun mussar la lingua tudestga.