Il project cuminaivel sa basa sin in'idea dal Parc natiral Beverin. En connex cun l'acziun dals parcs svizzers «Kleine Weltwunder», duai la tradiziun da chant rumantscha vegnir cumbinada cun musica moderna. Richard Dormeister da Vienna che viva a Turitg è il co-fundatur dal duo da musica electronica «Kruder & Dorfmeister». Il concert è ils 15 da november en la baselgia d'Andeer. Da la chanzun Las Stailas che vegn interpretada da nov, vegn era producida in DC.
Dolf e Dorfmeister en ina producziun
La musica da chant dals chors deriva or da la plima da Tumasch Dolf, il text dad Alfons Tuor da Rabius. La cumposiziun «Allas Steilas» è ina da las pli enconuschentas chanzuns dals dus defuncts.
